Fararstjóri: Pálína Kristinsdóttir

Pálína Kristinsdóttir er mikill áhugamaður um ferðalög og hefur farið margar ferðir um Ísland með erlenda ferðamenn. Hún hefur ferðast um allar heimsálfurnar og leiðsagt á Ítalíu,  í Þýskalandi og á Íslendingaslóðum í Kanada. Hún starfar í dag sem framkvæmdastjóri og ferðaskipuleggjandi hjá ferðaskrifstofunni AroundTheWorld.is. Pálína tók stúdentspróf frá Verzlunarskóla Íslands, kerfisfræði í Hannover í Þýskalandi , í Endurmenntun Háskóla Íslands tók hún Rekstrar- og viðskiptanám og er með fararstjórapróf erlendis frá Ferðamálaskóla Íslands 2013 svo eitthvað sé nefnt.

Pálína hefur fjölbreytta starfsreynslu bæði á Íslandi og Þýskalandi. Hún starfaði til margra ára sem yfirmaður í tölvudeildum bankanna, sérfræðingur í Seðlabankanum, framkvæmdastjóri hjá Skýrslutæknifélaginu og verkefnastjóri hjá Iceland Express Travel. Í dag á hún og rekur ferðaskrifstofuna AroundTheWorld.is. Áhugamál Pálínu eru ferðalög, líkamsrækt og golf o.fl.