E-mail: info@www.aroundtheworld.is --- Tel:+354 564 2272
Lengd ferðar: 28 Nov 2019 - 02 Dec 2019
Staður: Þýskaland
Bóka núna!
Slide background
Slide background
Slide background
Slide background

 

5 daga ferð – 4 nætur
Fararstjóri
: Pálína Kristinsdóttir

Dresden (Flórenz Þýskalands)
þykir ein fegursta borg Evrópu og er næst stærsta borg Saxlands héraðsins. Hún stendur á bökkum Saxelfs fljótsins. Borgin er þekkt fyrir ægifagrar byggingar og mikla menningu. Hún var nánast þurrkuð út af landakortinu í loftárásum í síðari heimsstyrjöldinni. Eftir að við erum búin að ná í farangurinn okkar í Berlín ökum við beint á hótelið okkar til hinnar fögru borgar Dresden (Flórenz Þýskalands) þar sem gist verður í 4 nætur. Akstur er áætlaður ca. 2 tímar.

Hótelið sem við gistum á er 4* og heitir Hotel Motel One Dresden am Zwinger og er á besta stað í  gömlu borginni   sem er miðpunktur Dresden. Boðið er upp á morgunverð. Frá hótelinu er aðeins stuttur gangur í Semper Óperuna sem var byggð á árunum 1838 – 1841 en var svo eyðilögð árið 1944 og var endurbyggð og opnuð aftur 13. febrúar 1985 með óperunni „ Der Freischütz” sem samin var af Carl Maria von Weber í Dresden.

Jólamarkaðurinn í Dresden þykir einn af fallegustu jólamörkuðum í Þýskalandi og munum við að sjálfsögðu njóta þess að heimsækja hann, fá okkur jólaglögg og finna ilminn að jólanammi Þjóðverja.

Frúarkirkjan er þekktasta kirkja borgarinnar og stendur við markaðstorgið Neumarkt í miðborginni þar sem jólamarkaðurinn er staðsettur. Hún var reist 1726-43 í barokk-stíl. Núverandi kirkja er úr sandsteini og er rúmlega 91 metra há. 1945 gjöreyðilagðist kirkjan í loftárásum og voru rústir einar í nær 50 ár.

FERÐATILHÖGUN:
28. nóvember 2019 – Fimmtudagur, Keflavík – Berlin — Dresden
Flogið snemma morguns með Icelandair kl. 7:40 til Berlínar og lent á flugvellinum Berlín Tegel kl. 12:05. Ekið til Dresden sem tekur okkur rétt rúma 2 tíma.
29. nóvember 2019 – Föstudagur – Gönguferð um Dresden
Létt gönguferð 2 – 3 tímar þar sem við kynnumst gamla hluta borgarinnar m.a. er hin fræga Frúarkirkja skoðuð, en hún er við hliðina á hótelinu okkar. Við röltum að Zwinger safninu sem er ein frægasta Barock bygging Þýskalands og síðan að Semper óperunni. Frjáls dagur eftir það og er gaman að fara í búðir og á jólamarkaðinn.  um kvöldið er tilvalið að fara í Semper óperuna en þar er sýnd óperan Fidelio. Hægt er að kaupa miða hér.
30. nóvember 2019 – Laugardagur Frjáls dagur –  Kvöldverður í Sophienkeller
Þessi dagur er frjáls og um að gera að njóta hans á jólamarkaðnum eða í búðunum.  Mæli með því að þeir sem hafa áhuga á óperu kaupi sér miða í Semper óperuna kl. 14 að sjá Töfraflautuna eftir Wolfgang Amadeus Mozarts.  Smelltu hér til að sjá sætaskipun og verð og er smellt á sætið sem þú velur þér til að kaupa miðana. Þegar er byrjað að seljast miðar á þessa sýningu og er gott að afgreiða þetta sem fyrst..
1. desember 2019 – Sunnudagur  Dresden—Ekið um Saxnesku Swiss til Meiβen
Eftir morgunmat eða um kl. 10 förum við með rútu til postulínsborgarinnar Meiβen. Við skoðum gamla bæinn og hið fræga Meiβen postulín. Komið til baka um kl. 17
2. desember 2019 – Mánudagur Dresden – Berlin – Keflavík Heimferð
Snemma morguns eða kl. 8 verður lagt af stað til Berlínar og kemur rúta og sækir okkur á hótelið og ekur okkur á flugvellinn í Berlin Tegel og förum við í loftið kl. 13:05 og áætluð lending í Keflavík kl. 15:40

Leiðin sem farin verður sjá hér

Verð kr.
kr. 167.500 á mann í tvíbýli*
kr.   39.500 aukagjald á mann í einbýli *

*Verð er miðað við gengi evru mars 2019

Innifalið í verði:
Flug með Icelandair til og frá Berlin Tegel flugvelli
Flugvallarskattar og 1 taska 23 kg. og 1 handataska
Allur akstur til og frá flugvelli og á milli Dresden og Berlínar
Gisting í 4 nætur á 4* hóteli með morgunverðarhlaðborði.
Kvöldverður í Sophienkeller
Heilsdagsferð með rútu um Saxnesku Swiss til postulínsborgarinnar Meiβen
Aðgangseyrir í Postulínssafnið í Meiβen
Íslensk fararstjórn og leiðsögn

Ekki innifalið:
Máltíðir aðrar en þær sem nefndar eru í ferðalýsingu
Aðgangseyrir á söfn, óperuna, Frauenkirche. tónleika og aðrar kynnisferðir
Þjórfé fyrir rútubílstjóra.

Lágmarksþátttaka: 20 manns
Ef sú þáttaka næst ekki áskiljum við okkur rétt til að fella niður ferðina.

Fararstjóri getur fært dagskrárliði á milli daga eftir þörfum þegar komið er á staðinn.

×
Fyrirspurn